ఈ పుట అచ్చుదిద్దబడ్డది
200
ఇంద్రాణీ సప్తశతీ
శ. 6.
23. భాసు రేంద్ర దృఢబాహుపంజరీ
లజ్జయా సహజయా నమన్ముఖీ |
తద్విలోచన వికర్షకాలకా
పాతుమాం త్రిదివలోకనాయికా ||
24. భారతక్షితి విషాదవారణే
తత్సుతం గణపతిం కృతోద్యమం |
ఆదధాతు పటుమర్జున స్మితా
దుర్జన ప్రమథనక్ష మాశచీ ||
25. చారుశబ్ద కలితాః కృతీరిమాః
సత్కవిక్షితిభుజో రథోద్ధతాః |
సాశృణోతు సురమేదినీపతే
ర్నేత్రచిత్తమదనీ విలాసినీ ||
________
3. మౌక్తికమాలాస్తబకము
1. నిర్మలభాసాం దిశిదిశి కర్తా
పుణ్యమతీనాం హృదిహృది ధర్తా |
పాలయతా న్మామనఘవిలాసః
శక్రమహిష్యాః సితదరహాసః ||
2. పుణ్య చరిత్రా మునిజనగీతా
వాసవకాంతా త్రిభువన మాతా |
వత్సలభావా దవతు విదూనాం
భారాతభూమిం ధనబలహీనాం ||
