ఈ పుట అచ్చుదిద్దబడ్డది
192
ఇంద్రాణీ సప్తశతీ
శ. 6.
25. ప్రపంచరాజ్ఞీం ప్రథితప్రభావాం
ప్రచండచండీం పరికీర్తయంత్యః |
ఏతాః ప్రమోదాయ భవంతు శక్తే
రుపాసకానా ముపజాతయో నః ||
_________
2. రథోద్ధతానస్తబకము
1. క్షాలనాయ హరితాం విభూతయే
విష్టపస్య మదనాయ వజ్రిణః |
తజ్జయంత జననీ ముఖాబ్జతో
నిర్గతం స్మిత మఘం ధునోతు నః ||
2. అన్న లోపకృశ భీరుకప్రజాం
భిన్న భావ బలహీన నేతృ కాం |
వాసవస్య వరవర్ణినీ పరై
రర్దితా మవతు భారతావనిం ||
3. పాణిపాద మనిమేషరాజ్ఞి తే
పారిజాత నవ పల్లవోపమం |
అక్షపా విరహ మంగభా సరి
ద్వాసి చక్రమిథునం కుచద్వయం ||
4. పూర్ణిమాశశి యశో౽పహారకం
సంప్రసాద సుషమాస్పదం ముఖం |
జ్ఞానశక్తిరుచి శేవధీ దృశౌ
రక్తవర్ణకసుధా ఘనో౽ధరః ||