ఈ పుట అచ్చుదిద్దబడ్డది
176
ఇంద్రాణీ సప్తశతీ
శ. 6.
1. ఉపజాతిస్తబకము
1. మందో౽పి బోధం విదధ న్మునీనాం
స్వచ్ఛో౽పి రాగం త్రిద శేశ్వరస్య |
అల్పో౽పి ధున్వన్ హరితాం తమాంసి
స్మితాంకురో భాతు జయంతమాతుః ||
2. అశేషపాపౌఘ నివారణాయ
భాగ్యస్య పాకాయచ దేవరాజ్ఞీ |
శోకాకులాం భారతభూమిమేతాం
లోకస్యమాతా హృదయే కరోతు ||
3. ధర్మద్విషా మింద్రనిరాదరాణాం
సంహారకర్మణ్యతి జాగరూకాం |
దేవీంపరా దేవపథే జ్వలంతీం
ప్రచండచండీం మనసా స్మరామః ||
4. వ్యాప్తాతటిద్వా గమనే నిగూఢా
నారీ సురేశాన మనోరమావా |
శక్తిః సుషుమ్నా పథ చారిణీవా
ప్రచండచండీతి పదస్యభావం ||
