ఈ పుట అచ్చుదిద్దబడ్డది
116
ఇంద్రాణీ సప్తశతీ
శ. 4.
22. నకిము భవతి శందేశే గతివతి కలుషే కాలే |
తవ భజన మఘం సద్యో హరిహయ లలనే జేతుం ||
23. త్రిజగతి సకలం యస్య ప్రభవతి పృథులే హస్తే |
స బహుళ మహిమా కాలో మమ జనని విభూతిస్తే ||
24. అనవరత గళ ద్బాష్పాం భరత వసుమతీం త్రాతుం |
వితరతు దయితా జిష్ణో ర్గణపతి మునయే శక్తిం ||
25. భుజగ శిశుభృతా ఏతాః కవి గణపతినాగీతాః |
విదధతు ముదితాం దేవీం విబుధపతి మనోనాథాం ||
________
3. మణిమధ్యాస్తబకము
1. మంగళదాయీ పుణ్యవతాం మన్మధ దాయీ దేవపతేః |
విష్టపరాజ్ఞీ హాసలవో విక్రమదాయీ మే భవతు ||
2. దృష్టి విశేషై శ్శీతవరై ర్భూర్యనుకంపైః పుణ్యతమైః |
భారత భూమేస్తాపతతిం వాసవకాంతా సా హరతు ||
3. పావన దృష్టి ర్యోగిహితా భాసురదృష్టి ర్దేవహితా |
శీతలదృష్టి ర్భక్త హితా మోహనదృష్టి శ్శక్రహితా ||
