స్త. 3.
ఇంద్రాణీ సప్తశతీ
87
7. ఓ తల్లీ ! పవిత్రమైన నీ నామమును సుకృతియైన యేమనుజుడు కీర్తనచేయునో వాని చరణములకు నే నెల్లప్పుడును దాసుడను.
8. ఓ పావనీ ! గొప్ప ప్రభావముగల ఆగమసారమైన నీ మంత్ర మనెడి కూర్చ నెవడుపాసించునో, వాని చరణములకు నేను నమస్కరింతును.
9. ఓ దేవీ ! అగ్ని, సముద్రములు కోణములుగా గల్గిన నీ పావన యంత్రము నెవడు ప్రతిదినము పూజించునో, వాని పాదములను నేను భజింతును.
10. ఓ యంబా ! శాంతబుద్ధిచే నితర సంకల్పసమూహమును నశింపజేసి నీ పాదములనే చింతించు సత్పురుషులను నే ననుసరింతును.
11. ఓ దేవీ ! నిజతత్త్వమును శోధించువారియొక్క, మహిమను సాధించువారియొక్క, నీ పాదములను ధ్యానించువారియొక్క పాదములయొద్ద నేను చరింతును.
12. ఓ దేవీ ! ఎవడు తన దేహమందు ప్రవహించు నిన్ను సంతత చింతనయోగముచే ననుభవించునో, వాని పాదములను నేను సేవింతును.
13. ఓ యీశ్వరీ ! ప్రాణముయొక్క యాతాయాతముల నెవడు చూచుచు కుండలినీ కులకుండమునుండి నిన్ను మేలుకొలుపునో వానికి నా వందనములు.
