ఈ పుట అచ్చుదిద్దబడ్డది
“డేగ, పిట్టను పట్టి విడుచున?
కన్నె, యింటికి మరలి నడుచున,
తెమ్ము కానుక లిమ్ము, నీవిటు
వచ్చినందాకన్
కదల” నంతట సెట్టి పలికెను,
“దేవకార్యం ముందు, ఆవల
రాచకార్యం కాద, రాజా!
శలవు నీవిస్తె -
“యింటి దైవం వీరభద్రుడి
దేవళానికి పోయి యిప్పుడె
పళ్లెరం సాగించి వత్తును
పైని తమచిత్తం!”
“మంచిదే, మరి నడువు, మేమును
తోడ వత్తుము, దేవళంలో
అగ్ని సాక్షిగ కన్యకను మే
మందుకొన గలము.”
2
నాడు గుడిలో మండె గుండం
మంట మంటని ముట్టి యాడగ,
కన్న నరపతి గుండె దిగులై
పట్టు విడ జొచ్చెన్
భక్తి పరవశ మైన మనసున
దుర్గనప్పుడు కొలిచి, కన్యక,
గురుజాడలు
72
కవితలు
