చేయవలయుననియు మొదలుగా గల ముఖ్యమైన విషయములను గురించి ముచ్చటించిరి. అంతట కవివరేణ్యులగు శ్రీ బుచ్చిసుందరరామశాస్త్రి గారు ఈ సందర్భమును గూర్చి కొన్ని పద్యములు జెప్పి సభికుల రంజింపజేసిరి.
ముగింపు
అధ్యక్షుడు సభను ముగించుచు పూర్వకాలమందు రాజా మహేంద్రరాయలు గ్రంథాలయములకును గ్రంథ భాండాగారములకును దేవాలయముల కిచ్చినట్లు భూములను శాశ్వత దాన మొసంగియుండిరనియు అటులనే నేడు పెదపాలెంగా మవాసులు యిచ్చటనున్న సంస్థలకు శాశ్వతమగు వసతులు నేర్పాటు జేసి అవిచక్కగా నిర్వహింపబడునట్లు చూచుట వారి విధ్యుక్త ధర్మమనియు, ఇచ్చటనున్న 'సేవాశ్రమ సేవకుల' వంటి యువకులు యీ సంస్థల కార్యనిర్వాహమునకై దొరకుట గ్రామము యొక్క అదృష్టమనియు వీరికి భగవంతుడు పెదపాలెంన్ద్రమవాసులు ఆయురారోగ్యములనిచ్చి వీరీ సంస్థలు నిర్విఘ్నముగా వానియు దేశముల నెర వేర్చునట్లు చేయుదురుగాక యని ! ప్రార్థించుచుంటిననియు చెప్పిరి.
చివరకు 'వాణీమందిర' కార్యదర్శి అధ్యక్షులకును, వేంకటశివుడుగారికిని, సభికులకును చుట్టుపట్టుల నుండి వచ్చిన అతిథులకును యీ సంచార గ్రంథాలయ స్థాపన విషయమై తగు సలహాల నిచ్చిన వారికిని దానిని తమ పడవలో పెట్టుకొని నడుపుట కనుమతించిన బోటు వారికిని, దీనికై యొక బీరువాను దానము చేసిన చినపాలెం వావ్యులు వాశిరెడ్డి అన్నపూర్ణమ్మగారికిని, యే భగవానునికృపావిశేషముచేత యెట్టివిఘ్నములు లేకుండ యీ సత్కార్యము చక్కగా నేరవేరెనో అట్టి జగత్ప్రభువగు యీశ్వరునికి తమ హృదయపూర్వక కృతజ్ఞ తాభివందనములు వెలిబుచ్చుటతో సంచారగ్రంథాలయ ప్ర్రారంభోత్సవ కార్యక్రమము ముసెను.
గ్రంథాలయ ప్రచారము
నాయకుల ఉపన్యాసములు
విశాఖపట్టణమున కోటవార్డు ముస్లిము గ్రంథాలయమువారి యాజమాన్యముకింద 29-6-35 తేదిన మహమ్మదీయ పాఠశాల భవనములో గ్రంథాలయోద్యమప్రచారముకొర కొక బహిరంగసభ జరిగినది. శ్రీ జయంతి వెంకటనారాయణ గారు(బరంపురము) అధ్యక్షతవహించిరి. ప్రారంభమున షేకు జన్నా సాహెబుగారును, కొండలరావు గారును ప్ర్రార్థనసలిపిరి. బెజవాడ నుండి విచ్చేసిన శ్రీయుత అయ్యంకి వేంకటరమణయ్యగారును, శ్రీమతి అట్లూరి వేంకటసీతమ్మ, కోన వేంకటరాయశర్మ' జనాబు ఇసాఖ్ సాహెబు, పురిపండా అప్పలస్వామిగార్లును గ్రంథాలయోద్యమము గూర్చి ఉపన్యాసముల నొసగిరి.
శ్రీ అయ్యంకి వేంకటరమణయ్య గారు ఉపన్యసించుచు నిట్లు నుడివిరి: అన్ని గ్రంథాలయములలోని గ్రంథాలయ పట్టిక నొకటి తయారుచేసి ఆ పట్టికను పట్నములలోని అన్ని గ్రంథాలయములలోను ఉంచడము అవసరము. ఆ కేంద్ర పట్టిక ననుసరించి పరస్పరము గ్రంథములు ఎరువు తేచ్చుకొనుట, పుస్తకములుపై నుండి కొని తెప్పించునపుడు కలిసి తెప్పించుకొనుట మంచిది. సాధారణముగ మనవారిలో గ్రంథములు దాచివేయు దురభ్యాసమున్నది. బెజవాడలో ఒక ఎఫ్.ఏ,విద్యార్థి తనకు కళాశాలలో పెట్టిన పద్య
