Jump to content

పుట:Gopinatha-Ramayanamu1.pdf/695

వికీసోర్స్ నుండి
ఈ పుట అచ్చుదిద్దబడ్డది


⁠

రావణుఁ జూచి దారుణశరప్రతిమోక్తులఁ బల్కె నుగ్రతన్.

⁠ 844


తే.⁠

అఖిలభూతనమస్కృతు నమితతేజు, నగ్రజుని గుహ్యకేశ్వరు నాదిదేవ
సఖుని దురమునఁ గదిసి దుస్సహమహోగ్ర, కలుష మొనరింప నెబ్భంగిఁ దలఁచి తొక్కొ.

⁠ 845


తే.⁠

పుడమి నెవ్వారి కిట్టిదుర్బుద్ధి విట్టి, కర్కశుఁడ విట్టిజడుఁడవు కలుషరతుఁడ
వైననీ వధినాథుఁడ వైతి వట్టి, ఖలులు దైత్యులు నశియింపఁగలరు నీచ.

⁠ 846


క.⁠

సురపతిసతి యగుశచి నప, హరించి బ్రతుకంగ వచ్చు నాదిత్యకులే
శ్వరునిసతి నైనన న్నప, హరించి బ్రతుకంగఁ గూడ దమరవిరోధీ.

⁠ 847


వ.⁠

మఱియు రామభుజప్రాకారరక్షిత నైనన న్నపహరించి నీ వమృతంబుఁ ద్రావి
యైన బ్రతుకం జాల వని యిట్లు నిరసించి పలికిన సీతవాక్యంబులు విని రావ
ణుండు హస్తతాడనంబుఁ జేసి ప్రావృట్కాలమేఘంబుకరణి మేనుఁ బెంచి
వైదేహిం జూచి వెండియు ని ట్లనియె.

⁠ 848


ఉ.⁠

మానిని మత్త వౌట విను మామకవీర్యపరాక్రమంబు లిం
తైన నెఱుంగ వైతి నిఖలాబ్ధులు రొంపి యొనర్తు మృత్యువుం
బూని వధింతు బాణములు భూమిని బ్రద్దలు వాపుదుం గరం
బానలినాప్తచంద్రుల శయంబులఁ దాళగతి న్ధరించెదన్.

⁠ 849


క.⁠

భూమీశతనయ రాముని, పై మమతఁ బరిత్యజించి భావమున ననుం
గామించి వల్లభునిఁ గాఁ, గామదుఁ గాఁ గామచరునిఁ గాఁ దలఁపు మిఁకన్.

⁠ 850


తే.⁠

అని పలికె నప్డు సంక్రుద్ధుఁ డైనవాని, నేత్రములు భానుమండలనిభము లై కృ
శానుకల్పంబు లై క్షతజప్రభంబు, లగుచుఁ బింగలోపాంతంబు లై తనర్చె.

⁠ 851


వ.⁠

అప్పుడు రావణుండు సౌమ్యం బైనభిక్షురూపంబుఁ బరిత్యజించి సకలభయంక
రం బైననిజరూపం బంగీకరించి మహాకాయుండును సంరక్తనయనుండును
దప్తకాంచనకుండలుండును నీలజీమూతసన్నిభుండును దశాస్యుండును వింశతి
భుజుండును గార్ముకబాణతూణీరధరుండును రక్తాంబరుండును గ్రోధావిష్ట
చిత్తుండు నై వసనాభరణోపేత యై సూర్యమరీచిభంగి నొప్పుచున్నస్త్రీరత్నం
బైనజానకి నవలోకించి యి ట్లనియె.

⁠ 852


మ.⁠

వినుతాంగీ కులశీలవంతుఁ ద్రిజగద్విఖ్యాతచారిత్రు భ
ర్తను గాఁ గోరితి వేని సమ్మద మెలర్ప న్నన్నుఁ గైకొమ్ము నీ
కనురూపప్రియవల్లభుండ భువనాధ్యక్షుండ నబ్బంగిఁ గై
కొన వేనిం బెనుఁగిన్కఁ బూని హృదయక్షోభంబుఁ గావించెదన్.

⁠ 853


క.⁠

మానుషభావము విడువుము, పూనిక నిఖలాసురోత్తముఁడ నగునాపై
మానిని భావము సేర్పుము, మానసమున నితరచింత మానుము తన్వీ.

⁠ 854