| |
హించి చనియె హేమకక్ష్యంబులును బతాకావంతంబులు నై కరిణీగజంబులు
ఘర్మాంతంబునందలి ఘోషవంతంబు లైనజీమూతంబులభంగి నలరుచుం జనియె
మహార్హంబు లైననానావిధగురులఘుయానంబు లెక్కి తక్కినజనంబు చని
యెఁ బదాతులు పాదగమనంబునం జనిరి యానప్రవేకంబు లారోహించి రామ
దర్శనలాలస లై కౌసల్యాప్రభృతిరాజకాంత లరిగిరి తరుణచంద్రార్కసదృశ
శిబిక నారోహించి సపరిచ్ఛదుం డై భరతుండు చనియె నిట్లు గజవాజిరథా
కులం బైనయమ్మహాసైన్యంబు మహామేఘంబుచందంబున నాగస్త్యం బగు
దిగ్భాగంబు నావరించి మృగపక్షిజుష్టంబు లైనగిరినదీతీరంబులం గలవిపినంబు
లతిక్రమించి రయంబునం బోవుచుండె నప్పుడు.
| 1766
|
| చ. |
లలితవినీలశాడ్వలచరన్మృగపఙ్క్తిదవాగ్నిధూమ మం
చలఘుభయంబునం బరువ నంచలు వార్షికమేఘ మంచు భీ
తిలఁగ వనాటకోటి పటుతీవ్రతమం బని యిక్కువ ల్సొరం
బలుగతులం జెలంగె నల భారతసైనికపాంసుజాలముల్.
| 1767
|
| క. |
ఆలో సైన్యము కుతుక, వ్యాలోలం బై ధరిత్రి నాచ్ఛాదించెన్
వాలాయము ఘనవర్షా, కాలాంబుద మాకసంబు గప్పినమాడ్కిన్.
| 1768
|
| క. |
హరిసామజోష్ట్రగోరథ, ఖరములచే సాంద్రభంగిఁ గప్పఁబడి వసుం
ధర చిరకాలము జనులకుఁ, గర మద్భుతభంగి నపుడు కనఁబడ కుండెన్.
| 1769
|
| క. |
ఏతాదృశఘనసైన్యో, పేతుం డై భరతుఁ డిట్లు పృథుసంరంభ
స్ఫీతుఁ డగుచు దూరము చని, పేతఃఖేదమున నవ్వసిష్ఠున కనియెన్.
| 1770
|
| క. |
సదయుం డగుముని చెప్పిన, ప్రదేశ మిదె చిత్రకూటపర్వతరాజం
బదె మందాకిని యది య, ల్లదె యదె యసితాభ్రతుల్య మగువన మనఘా.
| 1771
|
| క. |
గిరితుల్యమత్తమామక, కరటిఘటాదంతకాండఘట్టనమున నీ
వరచిత్రకూటసానువు, లఱిముఱిఁ ద్రుటితాశ్మపఙ్క్తు లయ్యెడిఁ గంటే.
| 1772
|
| క. |
జలధరము లగుఘనంబులు, జలములఁ దొనలందుఁ గురియుచందంబున ని
ట్టలముగ నగములు చదులం, దలరులు వడిఁ గురియుచున్న వల్లదె కంటే.
| 1773
|
| క. |
అంబుధి మకరవితతిచే, తం బోలె నితాంతమృగవితతిచే వ్యాకీ
ర్ణం బగుచుఁ జిత్రకూటన, గం బొప్పెడుఁ గంటె దేవకాంతాలయ మై.
| 1774
|
భరతుఁడు శత్రుఘ్నునితోఁ జిత్రకూటపర్వతము నభివర్ణించి చెప్పుట
| వ. |
అని పలికి శత్రుఘ్ను నవలోకించి.
| 1775
|
| క. |
వాతప్రవృద్ధఘనసం, ఘాతంబు ఘనాత్యయమున గగనమునందు
బోతిరుగుకైవడి మృగ, వ్రాతము చెలువారె వేగవంతం బగుచున్.
| 1776
|
| క. |
జలదప్రకాశఫలకం, బులచేతన్ దాక్షిణాత్యపురుషులక్రియ నౌ
దలలందు భటులు తమి భా, సిలఁ గుసుమాపీడములను జేసెడుఁ గంటే.
| 1777
|
