ఈ పుట ఆమోదించబడ్డది
సతిప్రేమ గాంచుకంటెను మేలౌ
సౌఖ్యము కలదే జగతిన్‌?
ఇంతీ! నీవేలోకముదానవొ
యెరుగ నొకించుక యైననుగానీ
నిను గన్న నిముసమందె నామది
నీయందే తగిలెన్‌.
పున్నమచందురు సాక్షిగ నిపుడో
పొలతీ నను చేపట్టంగదవే
నిన్నే వలచితి నిజము నమ్ముమో
కన్నెరొ నామాటల్‌.
మిన్నున చుక్కలు మినుకుమినుకు మని
మివులన్‌ కులుకుచు చోద్యము జూచెడు
కనుమా, పూదావుల గొని చల్లని
గాలి వీచు మది యలరన్‌.
చందమామ యా పిల్లమబ్బు జొఱు
చందము నూఱక చూచెదవేలే?
అందకత్తెరో అటు జూడకుమీ
ఆలకించు నా పలుకుల్‌.
తెలియనిబాసల నడ్డు జెప్పెదవు
నిలువం గలదే ప్రాణము చెలియా?
