ఈ పుట ఆమోదించబడ్డది
వింతలెల్ల గాంచుచుండు
నంతలోన నప్పుడటకు ||సకియ||
చిన్ననాటి చెలిమితోడి
చెలులు వచ్చి మమ్ముగాంచి
వింతసంతసమ్ము జెలగ
"నింతి, యెవ్వ రీత?" డనిరి.
ముద్దుమోము నెల్లడ ముసి
ముసి నగవులు మొలకలెత్త
"నరరూపము దాల్చి దిగిన
నారాయణమూర్తి" యనియె ||సకియ||
"నరరూపము దాల్చి దిగిన
నారాయణమూర్తెగాని
అక్కరొ, మీ యిద్దరికిని
యెక్కడిదే చుట్టరికము?"
వదనము వికసించి వెలుగ
బదులుమాట జెప్పకుండ
హృదయమునకు గట్టిగ న
న్నదుముకొనుచు నవ్వె చెలియ ||సకియ||
