ఈ పుట ఆమోదించబడ్డది
సురనదిమెడ నూగు పద్మపతకము
మురికి చెఱువులో వేతువె మనసా?
సరసముగ బాడుకోకిలకు కాకి
సావాస మెట్లు మేలౌను మనసా?
కమ్మతావులిడు రోజాదండను
గన్నేరుపూవు గుత్తువె మనసా?
అమృతమ్ములో విషము గలుపుకొని
అంత తప్పదాగ నేలనే మనసా?
మనస్సాక్షి
పడగ ముడుచుకొను పన్నగమ్మె కడు
భయము గొల్పునో దేవా!
కడలి శాంతముగ నున్న యప్పుడే
కడుభయ మిడునో దేవా!
నిద్దుర దోగెడు సింగపుగురకయె
నీరుజేయు దేహము దేవా!
