బ్రహ్మస్వరూపులౌ పసికూన లోయి
కోపించి బుస్సలు కొట్టబోకోయి !
నాగులచవితికీ నాగేంద్ర ! నీకు
పొట్టనిండా పాలు పోసేము తండ్రి !
చీకటిలోన నీ శిరసు తొక్కేము
కసిదీర మమ్మల్ని కాటేయబోకు
కోపపుట్టలోని కోడెనాగన్న !
పగలు సాధించి మా ప్రాణాలు దీకు
నాగులచవితికి నాగేంద్ర ! నీకు
పొట్టనిండా పాలు పోసేము తండ్రి !
అర్ధ రాత్రివేళ అపరాత్రివేళ
పాపమే యెఱగని పసులు తిరిగేని
ధరణికి జీవనాధార మైనట్టి
వాటిని రోషాన కాటేయ బోకు !
నాగులచవితికి నాగేంద్ర ! నీకు
పొట్టనిండా పాలు పోసేము తండ్రి !
అటు కొండ యిటు కొండ ఆ రెంటినడుమ
నాగులకొండలో నాట్య మాడేటి
పుట:Geethamulu, basavaraju apparao (1934).pdf/142
ఈ పుట ఆమోదించబడ్డది