52. ఆ. నీదుబుద్ధి మోహనిర్ముక్త మెపు డౌనొ
యపుడె, నీవు వినినయర్థమునకు,
వినఁగవలయు నర్థవివరణమునకు వై
రాగ్య మొదవు సంగ రహిత మగుచు.
53. తే. వివిధ వేదార్థముల విని, వికలమైన
నీదుబుద్ధి సమాధిలో నిశ్చలముగ
నెపుడు నిలువంగఁబడునో నీవపుడె పార్థ !
బుద్ధి యోగంబు నిజముగాఁ బొందఁగలవు.
అర్జునుడిట్లనియె :-
54. ఆ. మౌనివంద్య ! భువి సమాధిస్థుఁ డౌస్థిత
ప్రజ్ఞునకుఁ జెలంగు భాష యెద్ధి?
అతఁడు పలుకు టెట్టు? లాసీనుఁడగు టెట్లు ?
వర్తనం బదెట్లు వనరుహాక్ష !
శ్రీ భగవంతుడిట్లనియె :-
55. ఆ. అనఘ! వినుము మనసునందలికామముల్
విడిచిపుచ్చి నరుడు విమలమైన
యాత్మలోనె తుష్ఠి యందినచో, స్థిత
ప్రజ్ఞుఁడనుచు నతఁడు పల్కబడును.
56. ఆ. దుఃఖములను వికృతి దోషంబుఁ జెందక
సుఖములందుఁ బరవశుండు గాక
రాగకోపభయ విరహితుఁడౌ నరు స్థిత
ప్రజ్ఞుఁడండ్రు భువినిఁ బ్రాజ్ఞు లెల్ల.
పుట:Geetham Geetha Total.pdf/34
ఈ పుట ఆమోదించబడ్డది