ఈ పుట ఆమోదించబడ్డది
ఓమ్
శ్రీకృష్ణపరబ్రహ్మణేనమః
శ్రీ మద్భగవద్గీత
అష్టమాధ్యాయము
అక్షర పరబ్రహ్మ యోగము
అర్జునుడిట్లనియె :-
01. ఆ. అట్టిబ్రహ్మమేది? యాత్మకాధారం బ
దేది? కర్మమేది? యేది భూత
ములకు నెలవు? దైవముల కేది దైవంబు?
ఎఱుఁగఁ జెప్పు మిప్పుడిరది రేశ!
02. ఆ. యజ్ఞములుఁ గ్రతువులు నాహార మెవనికి?
అతఁడు కాయ మెట్టులధివసించు?
నియమితాత్ము లెట్లు నిను దర్శన మొనర్పఁ
గలరు వారియంత్యకాలమందు?
శ్రీ భగవంతడిట్లనియె :-
03. తే. ప్రకృతినిర్ముక్తశుద్ధాత్మ బ్రహ్మ మండ్రు;
ఆత్మ కాధారభూత మౌనండ్రు ప్రకృతి;
భూతభావంబులను భూమిఁ బుట్టునట్లు
ఘటన సేయు విసర్గమే కర్మ మండ్రు.
04. తే. పరఁగు నధిభూత మన, క్షరోభావ మగుచుఁ
బురుషు నధి దైవతంబుగా నెఱుఁగవలయు;
యజ్ఞముల కెల్ల భోక్త నేనగుదు సుమ్ము;
సర్వదేహంబులందుండి సవ్యసాచి !