ఈ పుట అచ్చుదిద్దబడ్డది
154
ద్విపదభాగవతము
నీ భక్తులగు వారు నెఱి మాకు ప్రియులు
మా భక్తులగువారు మరి నీకు ప్రియులు
గాక నెందును వేరు గలదయ్య మనకు?
శ్రీకంఠ!” అని పల్కి శివుని వీడ్కొలిపి
చెలువార నాలుగు చేతులుఁదక్క
బలితనూభవు వేయి బాహువుల్ త్రుంచి1020
యేచి నెత్తురుగమ్మనేపారమేను
పూచిన మోదుగుఁ బొలుపారు నతఁడు
హరిపదాంబుజముల కందంద మ్రొక్కి
పరమసదానందభరితుఁడై పలికె.
“ఆదినారాయణ! అఖిలసన్మునులు
వేదాంత విదులును వెదకంగలేని
భవదీయ శ్రీపాదపద్మయుగ్మంబుఁ
దవిలి కొలువగంటి ధన్యుండనైతి!
అన్ని చేతులునేల యీశానుపూజ
కున్న చేతులెచాలు నురగేంద్రశయన!”
అని పల్క విని బాణు హరి డాయఁబిలిచి
తనువెల్ల నిమిరి ఖేదంబెల్ల మాన్పి
యమరత్వమును బ్రమదాధిపత్యమును
గమలాక్షుఁడిచ్చిన బహుసంతసిల్లె.
ఉషాకల్యాణము
బలిపుత్రుఁడును నాత్మభవనంబునకును
బలకృష్ణ సాత్యకి బ్రద్యుమ్నముఖులఁ
గొనిపోయి పూజించి కొమరారు వేడ్క
