పుట:Dhanurvidyaa vilaasamu (1950).pdf/215

ధనుర్విద్యావిలాసము

161

⁠

గ్ధ్యంబు చిరాభ్యాసబలంబునం బ్రాపించు నింక దూరాపాతనశరా భ్యాసంప్రశంసం బుపదేశించెద నాకర్ణింపుము.

⁠ 127

సీ.⁠

దూరపాతనమున కారూఢి నొందిన         మూఁటిలోపల శిలీముఖము లెస్స ఆశుగంబులలోన నది సుకుమారంబు         సంధానమున నేర్పు చాలఁ గలుగు దిరుగు నడ్డము ప్రాఁకు నరచెయ్యి నగలించు         వలకేలు చులకగా వదలకున్న గాలివాటముఁ జూచి గగనంబు పంచుట         సంధిల్లు దీనికి సాధనంబు

⁠

గీ.⁠

వణఁకగానీక చెంగట వ్రాలనీక విరిగిపడనీక నటునిటు వ్రీలనీక నలిశిలీముఖ మొప్పుగా నడపనేర్చు జనుఁడు కోదండదీక్షావిశారదుండు.

⁠ 128

వ.⁠

విను మిట్టి దూరాపాతనప్రయత్నంబునకు సమీరప్రేరణగ్రహణ పూర్వకంబుగా నభోవిభజనంబు గావించ నేర్పు గలుగుట ప్రథ మాంగంబగుటం దద్విభజనోపాయం బుపన్యసించెద నాకర్ణింపుము.

⁠ 129

క.⁠

ఏదిక్కున కనుకూలం బై దొరకొను పవనవేగ మాదిక్కునకున్ మోదంబున నభిముఖుఁడై ప్రోది సమస్థానకంబు పూని నిలుచుచున్.

⁠ 130

గీ.⁠

తనశిరోమధ్యముననుండి ధరణి నంటి నట్లు ముందరఁ గనుపడు నాకసంబు మూఁడుభాగముల్ గాఁ బంచి ముష్టిక్రింద భాగములు రెండు పై నొక్కభాగ మునిచి.

⁠ 131