పుట:Dhanurvidyaa vilaasamu (1950).pdf/199

ధనుర్విద్యావిలాసము

135

వ.⁠

అట్లు కఠినలక్ష్యభేదనకౌశలంబునకుం బ్రథమస్థానంబగు లక్ష్యవేది కాభేదనంబునం గుశలుఁడై చిత్రలక్ష్యంబుల శరప్రయోగనైపుణ్యంబు సంపాదింపవలయు నదియును వివరించెద నాకర్ణింపుము.

⁠ 64

సీ.⁠

గుణలంబితం బైన గోవిషాణంబున         నిషుపంచకము గాఁడ నేయవలయు పళ్ళెరంబులనీటిపై యంత్రములఁ జూచి         యేపుమై తెగిపడ నేయవలయు నారికేళఫలంబు ధారుణిపై నుంచి         యెసగంబు మై దూయ నేయవలయు ధాత్రిపైఁ బరచిన చిత్రకంబళముల         నెలమిఁ గూర్చినభంగి నేయవలయు

⁠

గీ.⁠

రజ్జులంబితచషకంబు రథముమీఁద సాహిణముమీఁద పరువునఁ జౌకళించి వాఁడిశరమునఁ దెగ నేయవలయు ధన్వి తత్తదనుకూలబాణసంధాన మరసి.

⁠ 65

క.⁠

కృత్రిమతరుశాఖాగ్రగ పత్రిం బడ నేయవలయు భాసురదృష్టిన్ ధాత్రీశుఁ డొక్కశరమున చిత్రశరవ్యముల నచలచేతస్కుండై.

⁠ 66

వ.⁠

విను మొక్కవిశేషంబు వివరించెద, లక్ష్యంబు చాక్షుషంబును, శాబ్దంబును, మానసికంబునను భేదంబులఁ ద్రివిధంబులై యుండు చక్షుర్గ్రాహ్యంబగు లక్ష్యంబు చాక్షుషం బనియును, శబ్దగ్రాహ్యం బగు లక్ష్యంబు శాబ్దంబనియు, మనోగ్రాహ్యంబగు లక్ష్యంబు మాన సికంబనియును, బ్రఖ్యాతంబులై యుండు నం దూర్ధ్వాధస్సమవిని భాగంబుల నింతవట్టుఁ జాక్షుషంబు వివక్షితం బయ్యె, ద్వితీయంబగు శాబ్దలక్ష్యంబున శరాభ్యాసంబున కుపాయంబు గల దాకర్ణింపుము.

⁠ 67