అని యివ్విధంబున నాశీర్వదించి యిచ్చు ధనుర్బాణంబులు కరయు
గళంబున నంగీకరించి కృతార్థుండై క్రమ్మఱ నొక్కప్రణామం
బాచరించి యనఘంబులగు మణికనకపట్టాంబరంబు లర్పించి,
యాచార్యుం బరితృప్తుం గావించి గోభూహిరణ్యప్రము వాంఛిత
మహార్హవస్తుప్రదానంబుల ధాత్రీసురులం దనిపి, వారలవలన
దీవనలం బడిసి బంధుమిత్రపరివారసహితంబుగా నానాపదార్థ
సంపన్నంబులైన యన్నంబులు గుడిచి చందనకుసుమాంగరాగం
బుల నలంకృతుండై మహోత్సవంబున నయ్యహోరాత్రంబునం
బొద్దుపుచ్చుచు వినోదింపందగు నిట్టిది ప్రథమారంభంబు మఱియు
నుంగల విశేషంబు లాకర్ణింపు మని యాచార్యుం డర్జునునకుం
జెప్పునట్లు రౌమహర్షణి శౌనకాదులకుం జెప్పె నని వైశంపాయ
నుండు జనమేజయులకుం జెప్పుటయు నవ్విభుండు ప్రమోదంబున
బొదలుచుం దరువాతి చరితంబు వినవలతుఁ జెప్పు మనుటయు.
