భాస్కరుఁడు
81
తగినచోఁ దుమ్మినఁ దంబళి యెదురైన
వీడినతలవాని వీథిఁ గన్న
ఒలిమిడి మిక్కిలి యొంటికొ మ్మెక్కినఁ
బులుఁగు వీచినఁ బొడపురుగుఁ గన్న
గీ. మాన కేతెంచు నర్థిసమాజములకు
నిచ్చు నిష్టార్థవస్తువు లెలమితోడ
సరసహృదయుండు వినుకొండశాసనుండు
భవ్యభరతుండు రాయనభాస్కరుండు.
క్రిందిపద్యమున భార్య నిచ్చె, ననఁగా వివాహము చేసె ననియే యర్థము నిర్ధారించుకొందము.
సీ. ఆవుపొడ్చినయర్థి లేవకుండఁగ నిచ్చె
వలవేసి తీసిన వాని కిచ్చె
గుడివ్రాసియాఁగినఁ గొఱకొఱపడ కిచ్చె
బ్రార్థించి బుజ మెక్కు బట్టలు కిచ్చె
మొగసాలఁ జిచ్చిడ్డ తగవరిఁ బిలి చిచ్చె
నిలుచూఱ వేఁడిన నెసఁగ నిచ్చె
ప్రాణముల్ వేఁడినఁ బ్రాభవంబుగ నిచ్చె
భార్యను వేఁడినఁ బరఁగ నిచ్చె
గీ. పల్ల మడిగినఁ బదటులోఁ బల్ల మనక
భట్టు గొంపోయి మున్ను తాకట్టు పెట్ట
ముచ్చవెంగనఁ జేపెట్టి మెచ్చి యిచ్చె
భవ్యభరతుండు రాయనభాస్కరుండు.
ఈయన దాతృత్వపు బిచ్చిని వినుఁడు! విటగ్రామణులకుఁ గామసత్రము పెట్టించినాఁడఁట!
