208
చాటుపద్యమణిమంజరి
ఆదటఁ గాలుఁ డల్గియు గతాయు వటన్నను జిత్రగుప్తుఁ డా
‘గా’ దొలగించి ‘శా’ మొదట గ్రక్కునవ్రాసి సజీవుఁ జేయఁడే.
చ. హరిహరి! యేమి సాంబశివ! అయ్య భయంపడి పల్కనోడెదన్
అరమరలేల పల్కు భవదగ్రపురంధ్రి పెదక్క యేదయా
సిరికిని దానికిం బడక చీఁదరయెత్తఁగఁ జింతపల్లెలో
వరకరణాలయిండ్లకడ వారక యున్నదయా యుమాపతీ!
క. అధికార మబ్బినప్పుడు
బుధులు ప్రమోదించి వీఁడె పురుషోత్తముఁ డం
చధికంబుగ గొనియాడెడు
విధమున వర్తింపఁ దరమె వేల్పులకైనన్?
మ. విధిసంకల్పముచే నొకానొకఁడు తా విశ్వంబు పాలించుచో
బధిరం బెక్కువ చూపు తక్కువ సదా భాషల్ దురుక్తుల్ మనో
వ్యధతో మత్తతతోడ దుర్వ్యసనదుర్వ్యాపారతం జెందు న
య్యధికారాంతమునందుఁ జూడవలదా యాయయ్యసౌభాగ్యమున్.
క. ఉద్యోగ మొదవినప్పుడు
సద్యోమద మొదవి పూర్వసరసత లుడుగున్
విద్యావంతున కైనను
విద్యాహీనునకు వేఱె వివరం బేలా!
సీ. బళిబళీ! మీతాత బల్లెంబు చేఁబూని
పుల్లాకు తూటుగాఁ బొడిచినాఁడు
ఎద్దుచ్చ పోయంగ నేఱులై పాఱంగ
లంకించి లంకించి దాటినాఁడు
కలుగలోనూ కప్ప గఱ్ఱుగఱ్ఱు మనంగ
కట్టారి తీసుక గదిమినాఁడు
నాగలాపురికాడ నక్క తర్ముకురాఁగ
తిరువళూరూకాడ తిరిగినాఁడు
