222
చాటుపద్యరత్నాకరము
సీ. అన్నపై శయనించి యన్నను పైనుంచి
యన్నను మునిమాపు హతము సేసి
అన్నసుతు రక్షించి యన్నసుతు శిక్షించి
యన్నసుతునకుఁ దనయనుజ నిచ్చి(?)
మామకు మామయై మామను బంధించి
మామసుతుధరకు మామఁ జేసి
కొడుకుకు బావయై కూఁతురిపెనిమిటై
కొడుకు నాలములోనఁ గూలనేసి
మించు శ్రీహరి కరుణచే మీకు నొసఁగు
బహుతరంబగు నాయురైశ్వర్యములను
వస్తువాహనసంపన్నవైభవముల
సకలసామ్రాజ్యవిభవంబు సంతతంబు.
గీ. ఆలినొల్లకయున్న వానమ్మనుగని
నందులోపలనున్న వానక్కమగని
నమ్మినాతనిఁ జెఱచు దానమ్మసవతి
సిరులు మీకిచ్చు నెప్పట్లఁ గరుణతోడ.
ఉ. ఆలికి నల్లుఁడై పిదప నల్లునికిందగఁ దానె యల్లుఁడై
యాలికిఁ దండ్రియై మనుమరాలికిఁ బెండ్లికుమారుఁడై సదా
ఆలిమఱందిచెల్లెలికి నర్మలిభర్తయు నౌచునొప్పు గో
పాలుఁడు రంగశాయి మనపాలఁగలండు విచారమేటికిన్.
లేఖకుఁడు
గీ. తప్పు సవరించి వ్రాయు టుత్తమము లేక
ప్రతిసమానముగా వ్రాయు టతిముదంబు
