ఈ పుట అచ్చుదిద్దబడ్డది
శ్రీరస్తు
చాటుపద్యరత్నాకరము
పంచమతరంగము
అర్ధకందమున దశావతారముల యిమిడిక
క. వనచరములు నాల్గరయన్
మనుజాకృతు లేను పైనిమావొక్కటియై
తనరిన నరహరి మా కెపు
డనుపమసౌఖ్యంబు లొసఁగు నవనీస్థలిలోన్.
దశావతారశ్లేష
క. ఏమీననఁ దాఁబేలన
నాముంగిటికేలరాఁడు? నరహరి పిన్నా!
రాముని ముమ్మాఱంపితిఁ
బ్రేమంబున బుద్ధిఁ జెప్పి పిలువవె కలికీ!
భృత్యులు
క. వాసవరవిసోమార్కులు
వాసవరవిసోమసుతులు వాసవసుతులున్
వాసవులు కవులు సోములు
వాసవరవిసోమసుతులు వాకిట భృత్యుల్.
