ఈ పుట అచ్చుదిద్దబడ్డది
202
చాటుపద్యరత్నాకరము
వసంతఋతువు
గీ. జాజి యొక్కటియేకాని సకలకుసుమ
విసరసంపదచో నొప్పె వసుధయెల్ల
విరహినెకాని ధరణిపై వివిధజనుల
సంతసము నందఁజేసె వసంతవేళ.
పడమటిగాలి
చ. మృడునయనాగ్నిఁ గ్రోలి డిగి మేచకకంఠముమీఁద వ్రాలి త
జ్జలనిధి బాడబానలము చక్కఁగఁ గ్రోలి రవిప్రభావళిన్
దడదడఁ దోలితోలి బెడిదం బగుమంటల నప్పళించు నీ
పడమటిగాలి మానవులపాలిటిధూళి మహోగ్రకీలయై.
లోభి
క. అంతయుసరి యింతయుసరి
యంతకునకు మద్యపాయి కపహాస్యునకున్
అంతయుసరి యింతయుసరి
చింతింపక యిచ్చు దానచింతామణికిన్.
క. ఇల లోభి నెంత వేఁడిన
వలవని వెత లంతె కాని వాఁ డిచ్చెడినే?
జలమును వెస గిలకొట్టినఁ
గలుగునె నవనీతమాసఁ గాడురికేసా!
క. కలుగక యిచ్చెడి మనుజులు
తలవెండ్రుక లంతమంది తర్కింపంగాఁ
