పుట:Chandrika-Parinayamu.pdf/206

చ. అలమధువేళఁ దీవ్రవిరహాగ్నిశిఖాపరితప్తగాత్రి యౌ
నలినవిరోధివంశజననాయకపుత్త్రి దలంక సాగె న
త్యలఘుసువర్ణకాననవిహార్యసమాశుగకాండధారకున్
హలహలధారిదర్పపరిహార్యసమాశుగకాండధారకున్. 46

తే. బాల యీలీల మదనరోపాలికల క
రాలవర్తనచే మనఃపాలిఁ గలఁకఁ
జెంది కుందంగఁ దన్నేత్రజితచకోరి,
చేరి యిట్లను సూక్తిరాజితచకోరి. 47

చ. తలఁకెదవేల కీరవనితాజనవృత్తికిఁ, దేఁటిరానెలం
తల, కెద వేల మీఱునిజధైర్యము పాయఁగఁ గుందె దేల, కో
యిలనవలాలసారరుతి, కింతి, మనోజుఁడు సంఘటించుఁ బో
యిల నవలాలసాప్రచయ, మీయెడఁ ద న్భజియింప సత్కృపన్. 48

తే. కాన నమ్ము నటద్భక్తికలనమునఁ గ
రమ్ము నలినాశుగునిఁ గొల్వ రమ్యకేళి
కాననమ్మున కోనీలకంజనయన!
రమ్ము నలి నాశుగతి యిప్డు ప్రబల ననుచు. 49

మ. చెలి కేలందిన మాఱు పల్కక మనశ్చింతాకులస్ఫూర్తిఁ ద
త్కలకంఠీర వనంబుఁ జేర నరిగెన్ దత్పద్మినీమౌళి స
త్కలకంఠీరవజాలకంబులు కడున్ గాటంబులై యుజ్జ్వల
త్కలకంఠీరవకామినీనినదరేఖం బల్వెఱన్ గూర్పఁగన్. 50

శా. భ్రాజద్భక్తి నెదుర్కొనంగ వనగోపస్త్రీజనం బాప్తనీ
రేజాస్యానికరంబు తన్ గొలువఁ జేరెన్ గేళికారామ మా
రాజీవాంబక శింజినీనికరగర్జల్ హంసి నేర్వ న్మహా
రాజీవాంబక శింజినీవిరుతిఁ బర్వన్ వేఁడి నిట్టూర్పులున్. 51