రం 3] బిల్వమంగళ 97
మీరలే జ్ఞానంబు ♦ మీరె ధ్యానంబు,
వస్తువు తోడనే ♦ వచ్చుచుండును నీడ
చంద్రిక బాయునే ♦ చంద్రు నెపుడైన
భర్తవెంటనె పోక ♦ పతిపత్నులగువారి
ప్రకృతి ధర్మంబయి ♦ పరుగుచుండు.
వర్త - అట్లైన బృందావనము పోదాము.
అహ - మీచిత్తము.
వర్త - సరే - సిద్ధము చేయుము.
(గోపబాలుడు వచ్చును)
గోపా - అయ్యా, మీరు బృందావనము పోవుదురా?
అహ - నాధా! చూడం డీబాలు డెంత చక్కనివాడో - నీ వెవరి బాలుడవు నాయనా!
గోపా - నేను గోపాల బాలుడను.
వర్త - ఇక్కడికి కెందుకు వచ్చినావు?
గోపా - ఈలాగే తిరుగుతూందును.
వర్త - కారణము?
గోపా - మీరు బృందావనమునకు పోవుదురా అని అడుగ వచ్చినాను.
వర్త - అడగడ మెందుకు ?
గోపా - ప్రతియింటా ఈ లా గడుగుతాను.
వర్త - కారణము?
గోపా - చెప్పనా?