రం 5] బిల్వమంగళ 73
విలువగల వసనంబు ♦ తులలేని నగలు,
వాసన వస్తువుల్ ♦ వలపు చేష్టలును,
అనురాగపూరితం ♦ బగు మానసంబు,
గలుగంగజేసి ♦ నాకడ కంపు నేడు.
వ్యక్తపరిచితి పాప ♦ సక్తమగు కోర్కె;
నెరవేర్పవేడెద ♦ నెయ్యంబు మీర;
కాదు నిర్బంధమిది ♦ కాంచు మర్భకుడ,
నీయలేనన్నచో ♦ నేగెద నిపుడె.
వర్త - (స్వ) విశ్వేశ్వరా! ఎట్టి ♦ విషమసంకటము
దాపురించితి? వేది ♦ దారి గనరాదు.
లేదన్న నీ యతిథి ♦ లేచిపోయెడును,
ఎరుగంగజాల నిత ♦ డే మహాత్ముండొ,
తలముమీరిన యిట్టి ♦ ఛల మేలపన్నె?
విముఖుతజేయ విధి ♦ విహితంబు కాదు,
సడల నిత్తునె అతిథి ♦ సత్కారధర్మ;
మదికదా గృహమేధి ♦ కధికధర్మంబు!
ధనము దారను వీడి ♦ ధర్మరక్షణము
చేయంగ సిద్ధించు ♦ శ్రేష్ఠమగు గతులు.
కాంతయెవ్వతె నాకు ? ♦ కనక మెట్టిదియొ?
ఋణము చెల్లిన పిదప ♦ గణనకు రావు;
ధర్మమే ముక్తికా ♦ ధారంబు గాన,
వేడ్కతో రక్షింతు ♦ వీటిని విడిచి.
