2 బిల్వమంగళ [అం
(భిక్షకుడు పాడుతూ వచ్చును.)
తోడిరాగము - (వెడలెను కోదండపాణి వరుస)
వలపవెడు తుపానులోన - చెలగు జీవమను నావ !
కలగు హృదిని కల్లోలము - కాంచ గాంచ మించెనయ్యో||వల||
ఏడ ప్రాణములు చేర్చునొ - ఎవ్వ డెరుగు దైవమాయ?
నుడివడు పెనుసుడిలోబడి - బడలిక మునుగ,
జడమురీతి జరుగుచుండు - జగమంతయు దిగులునొందు,
నడలులేక రాగలతిక - సందడించు చున్నదయ్యో ||వల||
బిల్వ - ప్రాణాలు నిల్చునట్లు లేదు.
బిచ్చ - బాబూ, దిక్కుమాలిన పక్షిని-ధర్మం చేసుకోరా?
బిల్వ - పోపో - నాప్రాణాలుతీయకు..ఏమిటాపాటా? సందడిస్తున్నదా?
బిచ్చ - ఆకలిచేత పేగులు బిగబట్టుతూన్నవి.
బిల్వ - ఆపాట నాకు చెప్పు, వ్రాసుకొంటాను.
బిచ్చ - ఒక్కచోట నుండిపోతే కడుపు నిండుతుందా బాబూ? నాలుగువీధులూ తిరిగితే కదా నాలుగిజ్జంజలు దొరకుతాయి.
బిల్వ - ఒకక్షణ మాగు - నీకేమైనా యిస్తానులే.
బిచ్చ - అంతమాటే చాలు - నాకేమీ వద్దు బాబూ!
బిల్వ - ఆలాగుకాదు - పాట వ్రాసుకోనిస్తే నీకు రూపాయి యిస్తాను.