పుట:Bhoojaraajiiyamu.pdf/170

శ్రీ

భోజరాజీయము

పంచమాశ్వాసము

⁠

శ్రీదేవీహృత్సరసిరు హాదిత్య! సమస్తదేవతార్చితవిలస త్పాదాంబుజ! శ్రీమత్తుల సీదళదామాభిరామ! శ్రీనరసింహా!

⁠ 1

వ.⁠

అవధరింపుము దత్తాత్రేయ మునీశ్వరుం డా నరేశ్వరున కి ట్లనియె న ట్లాభోజ రాజునకు సర్పటి సిద్ధుండు వినిపింప రత్నమండనకథాలతకుం బాయుగొన యగు గోవ్యాఘ్రసంవాదంబునందు మదనరేఖ చరిత్రం బిప్పుడు చెప్పం బడియె దదనంతరప్రసంగం బాకర్ణింపు మయ్యితిహాసంబు చెప్పి యప్పశు రత్నం బా పులివక్త్రంబు చూచి నీవు నన్ను నమ్మకునికింజేసి యిట్లు సత్య వ్రతోదాహరణంబు చేసితి నింక నేమి సేయుదుఁ జెప్పుమనిన.

⁠ 2

చ.⁠

అనితరసాధ్యసత్త్వమగు నవ్వనసత్త్వము గోవుఁ జూచి యి ట్లను 'నిపు డీవు చెప్పిన మహామహిమంగల పుణ్యురాలికిన్ దనరఁగ నగ్రజన్ముఁడగు ధన్యుఁడు పావకలోముఁ డెట్టి వ ర్తనములవాఁడు? వాని సతి దా నది యెట్టిది? నాకు జెప్పుమా!'

⁠ 3

చ.⁠

అనవుడుఁ జెప్పెద న్విను మృగాధిప! పావకలోము తండ్రికిం జనవరియైన మంత్రి జనసన్నుతుఁ డొక్క సువర్ణకారకుం; డనయము వానికిం దనయుఁడై గుణహీను డొఁకండు కుంభినాఁ జను, నతఁ డగ్నిలోమునకు జానగు నిష్టసఖుండు మేదినిన్.

⁠ 4

క.⁠

ఒక నాఁ డయ్యిఱువురు నుది తకుతూహలవృత్తిఁ జేసి ధనువులా నస్త్ర

⁠