పుట:Bhoojaraajiiyamu.pdf/108

భోజచరిత్ర

47

⁠

తొలఁగితి నే; నటు లుండఁగ వలదే రాజ ననువాఁడు వసుమతిలోనన్.

⁠ 122

క.⁠

సిద్ధులలోపల నెల్లఁ బ్ర సిద్ధుఁడు సర్పటి యనంగఁ జేయుదు నను స ద్బుద్ధి గల దేని, నాకుఁ బ్ర వృద్ధం బగు శబ్దభేది విద్య యొసఁగుమా!

⁠ 123

క.⁠

ఏనును నిచ్చెద నీకు న నూనం బగు ధూమవేధి యొప్పుగ' ననినన్ ‘గానిండు మీరు పెద్దలు గానఁ దొలుత నాకు నొసఁగఁ గావలయుఁ జుడీ!

⁠ 124

క.⁠

మఱి నా కన్నతెఱంగున నెఱిఁగించెద నాదువిద్య యేర్పడ' ననినన్ దెఱఁ గేది భోజభూపతి కఱిముఱిఁ దనవిద్య చెప్పి యతఁ డి ట్లతియెన్.

⁠ 125

ఉ.⁠

'చెప్పెతి నాదువిద్య [1]యఱ చేయక నీదగువిద్య యేర్పడం జెప్పుము నాకు' నావుడును జెన్నగుమోమునఁ గొంత వింత న వ్వొప్పఁగ భోజుఁ డిట్టు లను 'నొచ్చెల నే నొక విద్యవాఁడనే [2]తప్పుఁగఁ జిత్తగింపకుఁడు, తద్విధ మే నెఱుఁగ న్మునీశ్వరా!"

⁠ 126

క.⁠

అనిన విని 'యేటిమాటలు ఘనతర మగు శబ్దభేది గలుగుట లేదే జననాథ! మున్ను నీచే' ననవుడు విని భోజుఁ డిట్టు లను నాతనితోన్.

⁠ 127

ఉ.⁠

మించగువిద్య భోజునకు మేదినిపైఁ గల దన్నశబ్ద మొ క్కించుక నీదు వీనుల వహించినమాత్రన [3]నీ మనంబు వే ధించుటఁ జేసి యిందుఁ జన దెంచితి గావున శబ్దభేదినా నంచిత మైనవార్త గల దంతియ కాని యెఱుంగ నెద్దియున్.

⁠ 128

1. యర
2. తప్పఁగ
3. నా