పుట:Ananthuni-chandamu.pdf/95

ప్రథమాశ్వాసము

11

4. త్రిప్రాసము:-

గీ.⁠

సంఖ్యఁ బలుకుత్రికారంబుఁ జనుఁ దకార సదృశమై త్రికారప్రాససంజ్ఞ గలిగి యాత్రివిక్రముఁ డభయప్రదాత యనఁగ వాక్త్రిపథగోజ్జ్వలులు విష్ణుభక్తులనఁగ.

⁠ 45

గీ.⁠

ఈత్రి కారంబునకుఁ దీయ యెసఁగఁ గ్రింది రేఫ సంప్రసారణమున ఋత్వ మయి తృ తీయయగు నీత్రికార మర్దించి చూడ నాతకారంబునకుఁ బ్రాసమయ్యె నచట.

⁠ 46

గీ.⁠

ఇ ఉ ఋ ఌ ల కచ్చు పరమగునేని య వ ర లాదేశ మగునట్టి య వ ర ల లకు నడరి ఇ ఉ ఋ ఌ లాదేశ మయ్యెనేని యది కృతుల సంప్రసారణ మండ్రు బుధులు.

⁠ 47

5. ప్రాదిప్రాసము:-

గీ.⁠

ప్రాదియై యనశబ్దంబు ప్రాణ మగుటఁ బరఁగ నణలకు వేర్వేఱ ప్రాసమయ్యె క్షోణిధరుఁ డెత్తె నేనుఁగు ప్రాణ మనఁగ దానవారాతి వ్రేతలప్రాణ మనఁగ.

⁠ 48

6. సమలఘు ప్రాసము:-

గీ.⁠

ఓలి రేఫతోఁగూడియు నూఁదఁబడక తేలి తెలుఁగునఁ దమయట్టి వ్రాలతోన సమలఘుప్రాస మగు ఱెక్కలమరఁబట్టి విద్రిచె నసురఁ గృష్ణుఁడు దిక్కు లద్రువ ననఁగ.

⁠ 49