గారంగ ఆడుదమో...
గారంగ ఆడుదమో ఈ సోట
గొంతెత్తి పాడుదమో మనపాట
అన్నలారా తమ్ముల్లారా అక్కలారా చెల్లెల్లారా
తెలంగాణ పొత్తిళ్ళల్లో పుట్టినట్టి బిడ్డలారా ॥గారంగ॥
తప్పూల తడకాలున్న చరిత్రంతా జెప్పాలేను
అగ్రకుల పెత్తందార్లు ఆడుతున్న రాజకీయం
మన నోరు గొడుతుందో ఓయన్నా
ఇగ దెలుసుకోవాలె మాయన్నా ॥గారంగ॥
స్వాతంత్రం వచ్చిన సంది మన జాతి నాయకులెంత
నాటి నుండి నేటి వరకు ఎవని మాట సాగుతుంది
ఒకసారి ఆగన్నా ఓయన్నా
ఎనుదిరిగి సూడన్నా మాయన్నా ॥గారంగ॥
ఎన్నడో ఎనకటి నుంచి యాబయ్యెళ్ళ కాలం నుంచి
తాత తండ్రీ బతికినట్టే మట్టి బతుకు బతికినాము
ఆంగ్లేయుల మించిండ్రే ఆందోళ్ళు
బాంచోల్ల జేసిండ్రే పాలోళ్ళు ॥గారంగ॥
వొద్దు వొద్దు కొట్లాటొద్దు ఇంక మనకు పంచాదొద్దు
కల్సి ఉన్న కాలమంతా కన్నీటి బతుకేనాయె
మనగుడ్డి బతుకుల్లో తెలంగాణ
వెలుగుల్ని నింపేనే మాయన్న ॥గారంగా॥
99
అంబటి వెంకన్న పాటలు