పొద్దూగూకంతల కంచెడైనా కల్లు
గొంతు దడవకపోతే గొడ్డు బతుకంటారు ॥తాల్లో॥
గొర్ల మందలు తోలుకోని కొండలు గుట్టలు దిరిగి
గౌడొచ్చె యాల్లకు నువ్వు ఎర్రటెండల తాళ్ళ జేరి
ఒక్కరేక కల్లు తాగందె నీ వొల్లు
తెల్లారి మల్లెట్ట లేసి తిరిగేవు ॥తాల్లో॥
కుమ్మరన్న మట్టి దడిపి సారెదిప్పి లొట్లు జేసే
కుమ్మరాములు గూలిపోయి అగ్గిబుగ్గయ్ ఆగమైతే
సేరుముంతా మొదలు పట్వా కల్లుదాక
అంతెత్తు నురుగూతో ఆదుకోనెదురొచ్చే ॥తాల్లో॥
బండ గాల్చె మొండి ధైర్యం కల్లు కుండలోని పొంగే
కొరాడి బండలు దీసి కొట్టాల ఖడీలు దీసి
సెమట ఊటలు బుట్టి నెత్తురోడుతున్న
ఒడ్డెరోల్లకండ కల్లుకుండేరన్నా ॥తాల్లో॥
వరికోత మునుముల్లో తల్లి వంగి వంగి నడుము లిరిగి
ఆండ్రెబెట్టి ఎడ్లగట్టి నాగండ్లతో కోండ్రలేసి
సొరగొన్న గొంతుతో మనరైతన్నా
యాపపెట్టుకింద కల్లు దాగేది ॥తాల్లో॥
కల్లంలో పడుగూ బెట్టి కావలి బండంగ పొయ్యి
కల్లుమీద బుద్దిబుట్టా గుల్లేరు సేతుల బట్టి
అద్దుమ్మ రాతిరి లొట్లు బలగొట్టా
సొయి దప్ప దాగ పొద్దు బొడిసేది ॥తాల్లో॥
391
అంబటి వెంకన్న పాటలు
