సాపలు పచ్చాపలు
సాపలు పచ్చాపలు సాపలు సందమామలు
సాపలు వొట్చాపలు ఉష్కదొందు బొమిడీలు
బుడ్డబర్క బుడ్డమట్ట బొచ్చెరవ్వు కొరమేను
కొడిపె గండె జెల్లలు కొంగముక్కు సాపలు
బంగారు తీగలు మీసాల రొయ్యలు
మూడొంతుల నీటిని శాసించిన గా సాపని
పట్టుకొచ్చే ఇద్యను గనిపెట్టినోడు బెస్తరా ॥సాపలు॥
సృష్టిలోన మొట్టమొదట బుట్టినదట ఈ సాప
హనుమంతుని కడుపులోన బెంచినదట మన సాప
బతుకనీకి దిక్కులేక లోకహితం కోసమనీ
మహావిష్ణువంతటోడే సాపరూపు దాల్చెనట ॥సాపలు॥
జలజీవులకెన్నింటికో ఆధారం మనసాప
నిండు జెరువును సూస్తే తీరునట మనదూప
జనం జన్మమన్న పదం జనతోనే బుట్టినట్టు
పుట్లకొద్ది పిల్లలకై జెననిడిసెను మనసాప ॥సాపలు॥
రోగాలు నొప్పులను నయంజేసె మందు సాప
గుండె నొప్పులకు గూడ సాపనూనె గోలీలట
ఆయుర్వేదమల్లోపతిల సాపకు ఇలువెక్కువట
ఉబ్బసానికి బత్తిని సాప మందు ఇచ్చునట ॥సాపలు॥
ఎండబెడితే నిలువ ఉండునని చెప్పిన జాతి మనది
వొట్చాపలు దోసొరుగులు వొండుకుంటె ఎట్లుంటది
అంబటి వెంకన్న పాటలు
356