అన్నరారో... మల్లన్న లేరో
అన్నరారో మల్లన్న లేరో
గొల్ల కురుమ గొంగడేసి ఆడెలేరో
అన్నరారో బీరన్న లేరో
వొగ్గుడోలు గల్లుగల్లు మోతలేరో
ఢిల్లెం భళ్ళెం - ఢమరుక నాదం
సదరన్ పండుగ - సందడి జేద్దం
దున్నకుర్ర కాలుదువ్వి రంకెలేయగా
దుంకులాడి భలేభలె దుమ్మురేపగా ॥అన్నరారో॥
చంద్రవంశ రాజులయ్యి అన్నలారో
చంద్రవంక జుట్టెనయ్య అన్నలారో
క్షత్రీయ పుత్రులయ్యి అన్నలారో
యుద్ధాలు జెసెనయ్య అన్నలారో
యయాతి వీరులయ్యి.... యశోదమ్మ బిడ్డలయ్యి
యాదవరాజులయ్యి అన్నలారో...
యాడజూడు ఉంటరయ్య అన్నలారో... ॥అన్నరారో॥
పూజగొల్ల కర్ణగొల్ల అన్నలారో
ఆలగొల్ల ఎర్రగొల్ల అన్నలారో
అరవయ్యారు తీర్లయ్యి అన్నలారో
ఆవులే గాసినారు అన్నలారో
ఎదురు లేని మనుషులయ్యి ... ఎవుసమే జేసినారు
రాష్ట్రకూట రాజులయ్యి అన్నలారో.....
రాజ్యమే ఏలినారు అన్నలారో... ॥అన్నరారో॥
311
అంబటి వెంకన్న పాటలు