సదువుకున్న మనకు
సదువుకున్న మనకు ఇంక ఏమ్మిగిలెరా
సర్కారు ఏదైనా ఏంఒరిగెరా
బతుకంతా రోడ్డుమీదే దినమంతా బాదబాదె
మనరాతమారదనీ సరేపోనియ్యనుకోని......
ఆటోనే నమ్ముకుంటిమో-అప్పుజేసి కొనుక్కుంటిమో ॥సదువు॥
సర్టిఫికెట్లెన్నున్నా ఉద్యోగం రాకపాయే
నిరుద్యోగి నీ బతుకు ఈగకన్న హీనమాయే
రెక్కలిరుగ పని జేసిన గిట్టుబాటు లేకపాయే
ఓరయ్యో నీ బతకు పిడ్సగట్టి సాగదాయే
ఉద్యోగాలియ్యలేము ఉపాదైతే ఇస్తమని
కల్లబొల్లి మాటలన్నీ కథలోలె జెప్పుడాయే ॥సదువు॥
లోనుకొరకు తిరిగి మనకు తిప్పలెక్కువైపాయే
ఆపీసులు బ్యాంకు సుట్టు కాల్లు అరగదీసుడాయే
పలుకు బడి జూపిస్తేనే లోను సాంక్షనైతదంట
లంచమిస్తేనే గాని ఫైలు ఇంచు కదులునంట
కనికరించి మనల నెవడు ఆదుకున్నడో..
అటో ఇటో ఆటోలె మనకు దిక్కురో... ॥సదువు॥
సెవను సీటరొస్తుంటె ఓంగార్డుల తరుముడాయే
ప్యాగోలు దిరుగుతుంటె సూడులేక ఉరుముడాయే
అడుగడుగున ఆర్‌టీవో అడ్డు దగులుకుంటుంటే
పైస పైస గూడబెట్టి ఆని పాడెనేస్తున్నం
అంబటి వెంకన్న పాటలు
286
