ఈ పుట అచ్చుదిద్దబడ్డది
కళలకు వారసులం
కళలకు వారసులం పల్లె కళాకారులం
సంస్కృతి సంప్రదాయ వారధులే గట్టినం
జగతిని జాగృత పరచ గజ్జగట్టి ఆడినం
జనం మదిలొ చెదిరిపోని గురుతులుగా మిగిలినం ॥కళలకు॥
శివుని చేతిలో ఉన్న ఢమరుకమే ఒగ్గురా
మల్లన్న బీరప్పలు మనకు గురువులంటరా
పాల్కురికి సోమన్న కోలాటం ఆటరా
ఆదిజానపద కళల తోలుబొమ్మలాటరా
సిందేసి ఆడినం.... సిందు బాగోతమాడినం
డోలు మధ్యల రాగం తీయగా
అరిగిన గొంతులు తాళమేయగా
సిందేసి ఆడినం.... సిందు బాగోతమాడినం ॥కళలకు॥
మూఢత్వపు ముసుగుదీయ కళలేగా ఆయుధం
నిదురమత్తు నొదిలించగ గమ్మత్తులు జేసెదం
వీరుల త్యాగాల కథల వీరగాధ జెప్పినం
భారత రామాయణాల బతికించిన వైద్యులం
భాగోతమేసినం.... యక్షా గానాలు బాడినం
రాజువెడలె రవి తేజములదరగా
ఇంటికెల్తే కలికుండలు అదరగా
భాగోతమేసినం.... యక్షా గానాలు బాడినం ॥కళలకు॥
225
అంబటి వెంకన్న పాటలు