ఇంటినిడిసి పోయి
ఇంటి నిడిసి పోయి కొడుకా ఏడేండ్ల పొద్దాయె కొడుకా
తెలంగాణ అనుకుంట దిరిగీ ఇల్లుముంచి పోతవారా
ఎందుకొచ్చిన ఉద్యమాలు... ఎవని సాలు దోలె నీకూ...
ఉన్నదో లేనిదో తినుకుంట నీడకు
కండ్లముందుంటేనే నిమ్మలంగుంటదీ
పాదాబి వందనమమ్మా నా పంచ ప్రానానివమ్మా
తెలంగాణ తల్లివమ్మా సహనాన భూతల్లివమ్మా
అన్నీదెల్సిన దానివమ్మా... అడ్డు నాకు రాకే తల్లీ...
తెలంగాణ వేరైతే తిప్పలన్నీ బోయి
పిల్ల పిల్లాతరమూ సల్లగుంటాదే ॥ఇంటి॥ ॥పాదాబి॥
ఆలీపిల్లల జూడు కొడుకా ఆల్ల అవతారము జూడు కొడుకా
సద్ద జొన్న సేలు లేవు పత్తి రైతుల సావు జూడూ
గొడ్లు లేనెవసాయమయ్యా... గొడ్డూబొయ్‌నట్టయ్యె కొడుకా...
ఎరువు పురుగు మందులమ్మినోడు
కోట్లు సంపాదించె వర్మీ కంపోస్టాచ్చే ॥ఇంటి॥
కోట్ల పైసా భూమికిచ్చీ కూట్ల మన్నుబోసె తల్లీ
ఫ్యాక్ట్రీల మోతల్లో తల్లీ మనబూమిలో మనమె కూలి
ఇల్లు పిల్లల జూస్తె తల్లి... ఆల్ల బతుకాగమైపోతదమ్మా..
ఎన్ని బాదలన్న బడి మనమూ ఇప్పుడు
తెలంగాణ సాదిస్తే దర్జాగ బత్తరూ ॥పాదాబి॥
181
అంబటి వెంకన్న పాటలు
