జాడ లేదమ్మా....
పల్లే ఓయమ్మా నను గన్నా మాయమ్మా
జాడా లేదమ్మా నేనేడా జూడమ్మా ॥పల్లే ఓయమ్మా॥
పసుపు కుంకుమా బొట్లూబెట్టి ఎడ్లా బండ్లకూ
రంగు చీరలుజుట్టి రథము అయ్యను జేస్తే
కొంగుజాపిన బంగరు నేల చెంగు చెంగున దుంకిన పల్లే
జొన్నకంకులు బోనం పట్వలు
ఎక్కడ గనరావు ఇప్పుడు ఏమి సిత్రమో
మన సంభరాలు అంగడిబాయే ఎవని పుణ్యమో ॥పల్లే ఓయమ్మా॥
ఎదుగుదలకు ఆయువైన చక్రమాగెను
ఖనిజాలకు మూలమైన కంచుబాయెను
కొలిమి మంటలు ఆరిపాయెను నాగలిమొద్దులు లేకపాయెను
పార పలుగు శిలుమెక్కి పాయెను
వొడ్ల కమ్మరి సేతులకెవడు తొల్లిగొట్టెనో
పూటపూటకా ఇండ్లల్ల లొల్లి బుట్టెను ॥పల్లే ఓయమ్మా॥
మంచి సెడ్డకు దగ్గెరుండు మనసున్నోళ్ళు
కట్టడి గింజలకే చేసే పుట్టెడు పనులూ
సాకలి మంగలి పొత్తు ఇంటికిరాదు ఇత్తు
అని ఎవడు ఏసిన ఎత్తు
హీనమయ్యెను కులాలిట్ల ఎవని పుణ్యమో
మనజాతి ఒకటి గాదు ఏమి పాపమో ॥పల్లే ఓయమ్మా॥
137
అంబటి వెంకన్న పాటలు
