జాతీయ జెండా
ఉద్యమ వీరుడు కొమరంభీముడు విప్లవాగ్ని రగిలించిన నేలా......
పోరాట యోధుడు మన నేతాజీ ఎదురు నిలిచి హోరెత్తిన నేలా......
ఎందరెందరో త్యాగమూర్తుల
ఆశల ప్రతిరూపం ఈ స్వేఛ్ఛా స్వాతంత్ర్యం
జెండమ్మా
ఓ మూడు రంగుల భారత జెండమ్మా
నువ్వుగన్న నీ స్వాతంత్ర్యం ఎక్కడ ఉందమ్మా ॥జెండమ్మా॥
కాషాయంలో నీ కన్నవాళ్ళ త్యాగం ఉందంటే
కరుడుగట్టిన రాక్షసత్వంలో అంతమైతుందే
రెప రెప లడె శాంతి కపోతాల రెక్కలు విరిగేనా
ఎక్కడ జూడు రక్తపాతము సజీవ దహనాలే
పైరు పంటల సాక్షిగ జూడు పచ్చని నీదేశం
పగలు సెగలతోని రగిలిపోతుంది ఇదేమి పాపం ॥జెండమ్మా॥
చేతిలో నీ స్వేచ్ఛాయుధం ఎవ్వరికిచ్చితివో
బడుగు జీవులను బాంచోలె జేసి భాధిస్తున్నారే
ఎవరు సంపిండ్రో నీ ముద్దుబిడ్డ ప్రజాస్వామ్యాన్ని
ఎవడు దోసిండో చక్రాన్ని విసిరి నీలోని ధర్మాన్ని
ఎవడు గూల్చిండో బాబరు తాత ఆశల సౌధాన్ని
ఎవరు జేసిండ్రో గుజరాతు గుండెల్లో మాననిగాయన్ని ॥జెండమ్మా॥
అంబటి వెంకన్న పాటలు
126
