| క్షీరోధిజః కాలకూటః గుళి కాకృతికఃపురా, | 351 |
| సిద్ధజాతి స్వర్ణవర్ణః పద్మా తస్యా౽ధిదేవతా, | |
తా. నడిమివ్రేలు, బొటనవ్రేలు, చూపుడువ్రేలు దీనిని టెంకాయకన్నులతీరున నిలిపి ఉంగరపువ్రేలిని వంచి, చిటికెనవ్రేలిని పైకెత్తిపట్టిన లాంగూలహస్త మగును. ఈహస్తము పూర్వకాలమునందు పాలసముద్రమునందుఁ బుట్టిన కాలకూటవిషమును మ్రింగుటకై శివుఁడు గుళికగాఁ జేసిన పట్టినపుడు శివునివలనఁ బుట్టినది. దీనికి ఋషి కుమారస్వామి. సిద్ధజాతి. బంగారువన్నె. అధిదేవత లక్ష్మి.
వినియోగము:—
| ద్రాక్షాఫలేచ రుద్రాక్షే చుబుకగ్రహణే౽పిచ. | 352 |
| కుచప్రరోహే క్రముకే కిఙ్కిణ్యాముత్పలే ఫలే, | 353 |
| వర్తులాయాం మల్లికాదౌ చకోరే ఛాతకే౽ల్పకే, | 354 |
| ఏవమాదిషుయుజ్యేత హస్తోలాఙ్గూలసంజ్ఞకః, | |
తా.. ద్రాక్షపండు, రుద్రాక్ష, గడ్డము పట్టుకొనుట, మొలకచన్ను, పోక, చిరుగజ్జెలు, కలువ, పండు, పగడము, కొద్దిపాటికబళము, నక్షత్రము, రేగుపండ్లు, వట్రువ, మల్లెపువ్వు, చకోరపక్షి, చాతకపక్షి, ఆల్పవస్తువు, వడగల్లు, సిద్ధజాతి, కరకకాయ, బంగారు ఇవి మొదలగువానియందు ఈహస్తము వినియోగించును.