ఈ పుట అచ్చుదిద్దబడ్డది
96 కవికోకిల గ్రంథావళి [సప్తమాంకము
అమ్మా, యిఁకఁ బోయివచ్చెదను. మాండవ్యా, రమ్ము.
మాండ : పోదము పద.
[ఇరువురు నిష్క్రమింతురు.]
సీత : [చేతులుజోడించి] అయ్యో ! జగదీశ్వరా, యీ ముద్దుకుమారు నైన రక్షింపవా ?
సూర్యచంద్రులార, సురలార, మునులార,
కన్నతండ్రులార గావరయ్య,
యిలను నెల్ల నేలు నిక్ష్వాకు భూపాలు
ముద్దుపట్టి నాదు ముద్దుపట్టి.
[యవనిక జాఱును.]
_________
చతుర్థ స్థలము : అడవి.
_________
[కుశుఁడు మూర్ఛిల్లియుండును; లక్ష్మణుఁడు ప్రక్కన నిలఁబడి యుండును.]
లక్ష్మ : కటకటా ! నేనెంత యకార్యమొనరించితిని ? రోషావేశమున నీఋషికుమారుని, ఈ శూరబాలకుని, ఈ సౌందర్య రాశిని నా కఱకు టమ్ముల కెఱ గావించితిని !