పుట:2015.391574.BHAKTIRASA-SHATAKA.pdf/85

74

భక్తిరసశతకసంపుటము

⁠

శివదీక్షితుండునై శివగీతలు గ్రహించి                     పరశివజ్ఞానియై ప్రబలె నిలను సేతువుదగ్గఱ శ్రీరామలింగేశు                     నిలిపి యంతశ్శుద్ధి గొలిచినాఁడు

⁠

గీ.⁠

ఆదివిష్ణువు శివభక్తుఁ డగుట నిజము కొంద ఱేలకొ మిముఁ గొల్వకుందు రకట భావభవభంగ గౌరిహృత్పద్మభృంగ రాజిత...

⁠ 82

సీ.⁠

కమలాక్షునంశనే గలిగెను యదువంశ                     వార్ధచంద్రుఁడు హలపాణి యనఁగ దుష్టదానవులను డులిచివేసి యనేక                     శిష్టసంరక్షణఁ జేసినాఁడు విద్యార్థియై పోయి విశ్వేశు పురిలోన                     సాందీపుకడఁ దానుఁ జదివినాఁడు తనపేర లింగంబుఁ దగ వారణాసిలో                     స్థాపించి పూజలు సల్పినాఁడు

⁠

గీ.⁠

ఆదివిష్ణువు శివభక్తుఁ డగుట నిజము కొంద ఱధములు మిముఁ గొల్వకుందు రకట భావభవభంగ గౌరిహృత్పద్మభృంగ రాజిత...

⁠ 83

సీ.⁠

వసుదేవసుతుఁడునై వాసుదేవుండన                     జన్మించే శ్రీవిష్ణు జగతిలోన శివునిబ్రసాదంబు స్థిరమతి భోగించి                     దూర్వాసుకృపఁ గాంచె తోయజాక్షుఁ

⁠