పుట:2015.391574.BHAKTIRASA-SHATAKA.pdf/569

558

భక్తిరసశతకసంపుటము

⁠

సి హృదంతఃప్రతిబింబితమ్ములగు నిస్సీమంపుఁగోర్కెల్ వృథా బహుళత్వమ్మును బొందఁ దన్మయత సంభావింప లేఁ డన్య మీ యిహమే శాశ్వతమంచు నెంచుకు జనుం డింతేనిఁ గామేశ్వరీ.

⁠ 42

మ.⁠

ఎవ రేమన్న మఱేమికాని మదిలో నేనిట్టు లూహింతు నీ యవనిన్ స్త్రీ యన వేఱు కా దదియె మాయాపుంజ మద్దాని కే రు వశుల్ గారె? యథార్థము న్గ్రమముగా రూపించి పద్మచ్ఛదాం బువిధి న్వర్తిలు నేర్పుగన్గొనవలె న్మోక్షార్థి కామేశ్వరీ.

⁠ 43

శా.⁠

ఎన్నోసంస్కృతు లెందఱో తరుణు లెన్నేశయ్య లెన్నోగృహా లెన్నోదేశము లెన్నియోవసతులై యీమాయకాయమ్ము తాఁ గన్నుల్గానదు ముందెఱుంగ దరయంగా లేదు కాలక్షయం బు న్నీదయ గల్గు నంతకుఁగదా? మోహమ్ము కామేశ్వరీ.

⁠ 44

శా.⁠

ఏయేకార్యములందుఁ దన్మయుఁడనై యేనుంటినో మున్ను నా కాయాకార్యములెల్ల నిప్పటికి హేయప్రక్రియం దోఁచు నీ మాయన్ దాఁటుటకు న్ద్రిమూర్తులకు సామర్థ్యమ్ము లేదన్నచో జాయాపుత్రహితార్థులౌ నొరులకు న్శక్యంబె? కామేశ్వరీ.

⁠ 45