పుట:2015.391574.BHAKTIRASA-SHATAKA.pdf/463

452

భక్తిరసశతకసంపుటము

⁠

కరులకుఁ దెల్పుచుండునట కాలుఁడు శ్రీకర రాజశేఖరా.

⁠ 62

ఉ.⁠

శంకర భక్తమానసవశంకర దుష్టనిశాటఝూటనా శంకర శంఖపంకరుహచక్రహలాంకుశచాపముఖ్యరే ఖాంకితతావకాంఘ్రియుగ మాదరలీల భజించునట్టి నీ కింకరుఁ జేర రల్ల యమకింకరు లీశ్వర రాజశేఖరా.

⁠ 63

ఉ.⁠

సారెకు ధీరులై సుగుణసారత మీఱు భవత్కథాసుధా ధారలుఁ గ్రోలుచున్ చరణదాస్యము సల్పెడు వారి వారినిన్ జేరినవారి దారికినిఁ జేరకుఁ డంచు యముండు దూతలన్ దూరుచు బల్కుచుండు భవదూర దయాకర రాజశేఖరా.

⁠ 64

ఉ.⁠

వారక సత్యదూరుల నివారితదర్శులఁ గర్మబాహ్యులన్ ఘోరుల బ్రహ్మఘాతకుల గోఘ్నుదుష్టుల దుర్మదాంధులన్ వారినిఁ జేరువారిదరి వారిని సారెకు మీఱి చీరఁగాఁ జారులఁ బంచు కాలుఁ డనిశంబు పరాత్పర రాజశేఖరా.

⁠ 65

ఉ.⁠

లాలితభర్మనిర్మితవిలాసభవన్మణిమందిరస్థఘం టాలపితధ్వనుల్ శ్రుతివిడంబనగా వినుచున్నవారల క్కాల లులాయకంఠపరికల్పితభూరితరోగ్రఘంటికా జాలనినాదముల్ వినరు సారగుణాకర రాజశేఖరా.

⁠ 66