పుట:2015.390519.Shashamka-Vijayamu.pdf/91

చతుర్థాశ్వాసము

91

చ.⁠

ఒకచరణంబున న్నిలిచి యొక్కపదంబు ముడించి హొన్నుడా ల్చికిలిమెఱుంగుగాజులు ఘలీలనఁ జేతులు నాదుమూపునన్ రకముగ వైచి గుబ్బల నురస్స్థలిం గ్రుమ్మెడినీదుమేలుపొం దికలసుఖోన్నతిన్ బొగడ నీరజగర్భున కైన శక్యమే.

⁠ 76

చ.⁠

అరిదికడానిబొమ్మ మన మందపుటద్దపుటింటిలోపలన్ సరసత మీఱఁ బెందొడలసందులపొందుల మోవివిందులం బెరిమె చెలంగి కూడి ప్రతిబింబములం గనుపట్టినట్టియా గుఱుతులు వేడ్క నొండొరులకున్ గనిపింపఁగ నుండు టెన్నఁడో!

⁠ 77

చ.⁠

చిలుకలకొల్కి చిత్తజునిచిల్కలముల్కులకల్కి మోహ మిం పెలయఁగ నేను రాఁగఁ గడ కేఁగి తటుండు మటంచు వంచనం బలికిన గుండె జల్లు మన మ్రాన్పడి యుస్సురు మంచు నే నిలం గలకల నవ్వి తోన ననుఁ గౌఁగిటఁ జేర్పవటే విలాసినీ!

⁠ 78

చ.⁠

పెనిమిటివెన్క నిల్చి ననుఁ బిత్తరిచూపుల నీవు చూడ నే మునుకొని ముద్దుఁ బెట్టుటకు మో మటు లొగ్గఁగ నీవు వేళ గా దని తల యూఁచి నే నలుగ నందుకుఁ గన్ను ల నీవు మ్రొక్క నే నిను మదిఁ గౌఁగిటం బొదువ నీ వఱగన్నులు మోడ్పవా చెలీ!

⁠ 79

ఉ.⁠

నింతువు నాదుకోర్కి గమనింతువు కేళి కహర్నిశంబు నా నింతువు ఱొమ్ము గుబ్బలఁ దనింతువు పౌరుషకేళిచేతఁ బూ నింతువు తోనె కేళికి గణింతువు నాదుగుణంబు లెల్లెడన్ గాంతలలోన నీకు సరి గాన జగాన నగానతస్తనీ!

⁠ 80

సీ.⁠

చనుగుబ్బ పెనుగొండసంస్థాన మమరించి,         తెలిచూపు వెలితామరల ఘటించి పయ్యెదచెంగావిపావడ హవణించి,         ముఖపుండరీక మింపునఁ గదించి యారోహరత్నసింహాసనంబున నుంచి,         కటిచక్రమును హస్తగతము చేసి పావురావగముద్దుపటహంబు మొరయించి,         కలయంగసంపదఁ గానిపించి

⁠

గీ.⁠

మిసిమిపొక్కిలిమూలబొక్కస మొసంగె తొగరుచిగురాకువిలుకానినగ రమర్చి

⁠