పుట:2015.386124.adhiqs-eipa-shatakamulu.pdf/181

⁠

తలపరువు నోరె చెప్పును లలికాయలపండుపరువు రంగే చెప్పున్‌ కలవాజి జవమునడకయుఁ గులమును వేషంబు చెప్పు గువ్వలచెన్నా!

⁠ 66

⁠

వేములఁ దినునలవాటును భామలగని వీడుటయును బరితోషమునన్‌ బాములమైత్రియునేర్చినఁ గోమటితోమైత్రివలయు గువ్వలచెన్నా!

⁠ 67

⁠

ఇలఁగోమటి జెలికానిగఁ దలఁచుచు దద్ధితముగాఁగఁ దలనాల్కవలెన్‌ మెలఁగుట నేర్చిన గడుసగు కులకర్ణిని గూడవలయు గువ్వలచెన్నా!

⁠ 68

⁠

తనహితవుఁ గోరుసతికల దనుకనె గృహనివసనంబు తగుఁ బురుషునకున్‌ దనుకడుపు శక్తికొలదిగ గొనవలయుఁ బదార్థములను గువ్వలచెన్నా!

⁠ 69

⁠

తనతల్లియొక్కపరువును దన దగు నోరెప్రకటించుఁ దథ్యంబనియే సునృపులు ఘోషాఁబెట్టిరి గుణాదులన్యమగుచుననుచు గువ్వలచెన్నా!

⁠ 70

⁠

చుట్టఱికముఁ చేసికొనన్‌ గట్టడిగాఁ దిరిగితిరిగి కార్యంబైనన్‌ మిట్టిపడుచు మాట్లాడఁడు గుట్టించునియోగివరుఁడు గువ్వలచెన్నా!

⁠ 71