పుట:2015.386124.adhiqs-eipa-shatakamulu.pdf/103

⁠

రవివికాసంబు లేనట్టి దివసమేల ధైర్యమొదవని వస్తాదుతనమదేల మదరిపువిఫాల మునిజనహృదయలోల వేణుగోపాల భక్తసంత్రాణశీల!

⁠ 46

సీ.⁠

పరకాంతపయి నాసపడెడి మానవులకు             నగుబాటు మనమున తగని దిగులు నగుడు విరుద్ధంబు నాచారహీనత             చేసొమ్ముపోవుట సిగ్గుచెడుట యపకీర్తి బంధుజనాళి దూషించుట             నీతియుఁ దొలగుట నిద్రచెడుట పరలోకహాని లంపటనొంది మూల్గుట             పరువుదప్పుట దేహబలము చెడుట తన యాలి చేతిపోటునఁ గృశించుట దాని             పరుడు గన్గొనిన జీవంబు విడుట ముజ్జగము లేలు నా విరాణ్మూర్తికయినఁ గాని దుర్వృత్తి దగదెంతవానికైన మదరిపువిఫాల మునిజనహృదయలోల వేణుగోపాల భక్తసంత్రాణశీల!

⁠ 47

సీ.⁠

పరదళంబులఁ గాంచి భయముచే నురికిన             రాజుగాఁడతడు గోరాజు గాని ధర్మంబులకు విఘాతముసేయ మంత్రిశే             ఖరుఁడు గాఁడతఁడు సంకరుఁడు గాని విద్యాప్రసంగము ల్విన రసజ్ఞత లేని             ప్రాజ్ఞుల సభగాదు రచ్చ గాని పతితోడ కలహించి పడుకొని యేడ్చెడి             దాలుగా దది యెఱ్ఱతేలు గాని శాస్త్రముల మించినట్టి యాచారమైన నిష్ఠగాదతనికి పెనుచేష్టగాని మదరిపువిఫాల మునిజనహృదయలోల వేణుగోపాల భక్తసంత్రాణశీల!

⁠ 48