పుట:2015.373276.Rangaraya-Charitramu.pdf/17

16

రంగారాయ చరిత్రము

క.⁠

ఆధన్యుని పినతండ్రి సు ధాధారారుచిరరుచివిధాయకవాచా మాధుర్యైకనిధానగు ణాధారుఁడు వేంకటాచలాధిపుఁ డలరెన్.

⁠ 46

సీ.⁠

అశ్రాంతవిశ్రాణనాభినంద్యప్రౌఢి        యినతనూభవునందు నితనియందు నంగనాజనమనోహరరూపసౌష్ఠవం        బిందిరాసుతునందు నితనియందు క్ష్మాభారభరణరక్షాదక్షదోశ్శక్తి        ధృతరాష్ట్రతనయునం దితనియందు రణరంగవిజయశౌర్యప్రసంగనిరూఢి        యింద్రనందనునందు నితనియందుఁ

⁠

తే.⁠

గాని కాన మటంచు లోకము నుతింప స్ఫుటతరౌదార్యరూపప్రభుత్వశౌర్య ధర్మములయందు మా రెందు దనకు లేక నలరు మల్రాజవేంకటాచలవిభుండు.

⁠ 47

తే.⁠

అమ్మహాబాహుగేహిని యతిశయిల్లు నాస్యలక్ష్మీనిరస్తసుధాంశుబింబ యాశ్రితజనావనాంచద్దయావలంబ యన్నపూర్ణాకృతివిడంబ యన్నమాంబ.

⁠ 48

షష్ఠ్యంతములు

క.⁠

ఈదృగ్విధాన్వవాయసు ధోదన్వచ్చంద్రమునకు నుర్వీజనసం

⁠