పుట:2015.373276.Rangaraya-Charitramu.pdf/159

158

రంగారాయ చరిత్రము

క.⁠

అని నిష్ఠురోక్తు లాడుచు ననిలో మఱికోటలోన నరయుచుఁ దత్త జ్జనవిసరమరణదీక్షా జనితాశ్చర్యంబు మది విషాదముఁ గొలుపన్.

⁠ 238

తే.⁠

యుద్ధరంగంబునం బడియున్నవీరు జీవశేషుని వెంగళరావు నరసి చాల మన్నించెఁ దనకృపాచ్ఛాదనమున నతనియగ్రజతనయసంయుతము గాఁగ .

⁠ 239

శా.⁠

మూసాబూసి కృపాప్రసాదమున కామోదించి యావెంగళ క్ష్మాసంక్రందనుఁ డన్న లేకొమరుతో శారీరశస్త్రవ్రణా యాసంబుం బెడబాసి సర్వధరణీశాభ్యర్చితఖ్యాతిచే భాసిల్లెం దనమే ల్సహింపనిరిపుప్రాణాలి జాలిం బడన్.

⁠ 240

తే.⁠

విజయరామరాజు వెంగళరావుతో ననియె నీదు బంధుహితజనంబు చనిన పిదప నీవు సంత్యక్తనుండవై చనక బ్రతికి తేల యనెడు నంత.

⁠ 241

క.⁠

నీవిభవమెల్లఁ గనుఁగొన జీవించినవార మిట్టిచేష్టకు నీకుం గావలయు పనులు దై వము గావించు నటంచుఁ బలికెఁ గనలి యతండున్.

⁠ 242

శా.⁠

ఆరాజన్యుని రాకపోకడల తూర్యస్వాన మాలించి దు ర్వారక్రూరతరాఘపుంజ మితఁ డౌరా యంచు నీనేలపైఁ బారేచీమలు మింటిత్రోవ నరిగేపక్షుల్మొద ల్గాగ సం సారు ల్దూరనివారు వానవెలిగాఁ జన్వారు లే రుర్వినిన్.

⁠ 243